Maayong adlaw, mga ka-Barangay Luz!
Tungod sa daghang pangutana ug mensahe nga among nadawat bahin sa DSWD UPLIFT Assistance Program, among ipahibalo ang opisyal nga impormasyon aron malikayan ang kalibog ug sayop nga balita.
📌 Importante nga Hibaw-an
Sumala sa Department of Social Welfare and Development (DSWD):
❌ Dili kinahanglan magpalista sa Barangay Hall o sa bisan kinsang politiko aron mahimong benepisyaryo sa UPLIFT Assistance Program.
Ang pagpili sa mga kwalipikadong benepisyaryo ibase lamang sa opisyal nga datos sa gobyerno ug sa mga kwalipikasyon nga gitakda sa DSWD.
✅ Kinsa ang Posibleng Benepisyaryo?
• 4Ps Beneficiaries – Ang mga adunay existing records sa DSWD ug LandBank. Kung kwalipikado na, dili na kinahanglan magparehistro.
• Walang Gutom Program Beneficiaries – Ang dugang nga ayuda iproseso pinaagi sa ilang existing records.
• Poor ug Near-Poor Families – Ang pagpili ibase sa Community-Based Monitoring System (CBMS) ug opisyal nga datos sa Philippine Statistics Authority (PSA). Ang DSWD mismo ang mokontak sa mga mapiling benepisyaryo.
• Low-Income SSS Members – Ang mga kwalipikadong miyembro sa SSS nga nakaabot sa criteria sa programa mahimong maapil base sa ilang opisyal nga records.
⚠️ Mga Pahimangno
✔️ Dili kinahanglan magpalista sa Barangay Hall.
✔️ Dili kinahanglan moduol sa bisan kinsang politiko aron maapil.
✔️ Ayaw pagtuo sa mga text messages, social media posts, o mga tawo nga nag-ingon nga kinahanglan magparehistro pinaagi sa ilang opisina.
✔️ Paghulat lamang sa opisyal nga pahibalo gikan sa DSWD.
Ang Barangay Luz andam sa paghatag og husto ug kasaligan nga impormasyon, apan ang pagpili sa mga benepisyaryo wala sa barangay ug wala usab sa mga opisyal sa barangay. Ang UPLIFT Assistance Program usa ka programa nga gidumala sa DSWD sumala sa ilang mga giya ug kwalipikasyon.
🛡️ Magmatngon sa fake news ug sayop nga impormasyon. Likayi ang pagtuo sa mga tawo nga nagpasalig nga mapaapil mo pinaagi sa pagpalista o pinaagi sa ilang koneksyon.
📢 Kung adunay bag-ong opisyal nga anunsyo gikan sa DSWD, ipahibalo dayon kini pinaagi sa opisyal nga Facebook Page sa Barangay Luz.
Daghang salamat sa inyong pagsabot ug padayon ta sa pagtinabangay aron ang matag lumolupyo makadawat sa husto ug tinuod nga impormasyon.
“Ang tinuod nga serbisyo nagsugod sa paghatag og tinuod nga impormasyon.”
#BarangayLuz #DSWD #UPLIFTProgram #PublicAdvisory #OfficialAnnouncement #SerbisyoParaSaKatawhan
