Padayon ang Curfew Operation sa Barangay Luz Council nga gipangulohan ni Kap. Titing S. Labrador, kauban ang PNP, BPSO, PAKIGSANDUROT, GAD Staffs, ug sila Kons. Andrew Ponce, SK Councilor Kons. James Malihan, uban sa kusog nga suporta ni Chairman on Peace & Order Kons. Rommel Tuico, aron masiguro ang pagpatuman sa Curfew Ordinance ug mapanalipdan ang atong mga kabataan.
Atol sa maong operasyon, adunay 7 ka menor de edad nga na-rescue sulod sa mga internet café bisan og lapas na sa curfew hours. Sumala sa atong gisaad sa komunidad, responsibilidad usab sa mga tag-iya sa establisyemento nga magbantay ug dili motugot sa mga menor de edad nga magpabilin sa ilang lugar sa oras sa curfew.
Niining gabhiona, adunay 3 ka internet café owners nga nasakpan nga nagpasulod o nagpasagop sa mga menor de edad sulod sa ilang establisyemento sa oras sa curfew. Tungod niini, sila nakadawat og 1st offense sanction gikan sa barangay. Ang maong mga establisyemento nahimutang sa Sitio Mabuhay ug Sitio San Vicente.
Kini nga aksyon usa ka sample implementation sa Curfew Ordinance, aron ipakita nga seryoso ang barangay sa pagpatuman sa balaod ug sa pagdisiplina sa komunidad. Ang tumong niini mao ang pagpakunhod sa mga kabataan nga maglaag sa gabii ug mapugngan ang ilang pag-apil sa mga sitwasyon nga mahimong delikado o dili maayong impluwensya.
Ang barangay nagpasidaan usab sa tanang internet café owners ug uban pang establisyemento nga dili motugot sa mga menor de edad nga magpabilin sa ilang lugar sa oras sa curfew. Kon kini masubli, adunay mas bug-at nga sanction nga ipatuman sumala sa barangay ordinance.
Naghangyo usab ang barangay sa kooperasyon sa mga ginikanan ug guardians nga bantayan ang ilang mga anak ug siguruhon nga sila anaa na sa ilang panimalay sa oras sa curfew. Ang kaluwasan ug kaayohan sa atong mga kabataan mao ang atong unang prayoridad.
#CurfewImplementation
#BarangayService
#Pakigsandurot
#GADStaffs
#BPSO
#PNPToServeAndProtect
